Les mots surlignés font l'objet d'une note
1Reçue à Grenoble, le 02 mars 1573.
2Noble, magnifficque, puissant, très honnoré seigneur,
3singulier et grand amy, à vostre bonne grace bien humblement nous
4recommandons, Ores que nous tenions pour bien asseurez de la bonne
5grace et faveur quil vous plaict journellement faire à tous ceulx qui
6dependent de nous (dont bien humblement vous remercions) sans quil
7fust besoing d’en faire aultre instance envers vostre seigneurie, ce
8neantmoings ayantz esté requis par noble nostre cher et feal vassal
9le seigneur de Cugiez, de lettres et faveur et recommandation
10à vostredicte seigneurie addressantes, tendantes aulx fins que vostre bon plaisir
11fust luy permettre libre et seure sortie et transmarchement de ses
12biens, famme et fammille pour les conduyre pardeça eux sans perturbier
13ny empechement, ne luy avons sadicte requeste peu refuser ; surce
14bien humblement priantz et requerantz vostre seigneurie qu’en continuation
15de sadite bonne volunté, envers nous et les nostres, à icelle plaise
16avoir nostredict vassal pour l’amour de nous pour bien recommandé
17en luy prestant et aulx siens predictz la meillieur faveur, ayde
18et soupport, à leffect que dessus, quil sera possible. Si ne serons ingratz
19à le reveoir et recongnoistre, en bien et honneur, de tout notre pouvoir
20tant envers votredite seigneurie, que tous ceux qui de vostre part nous seront
21pour cas pareil et plus grand recommandez, d’aussi bon cueur
22qu’après nous estre derechief bien humblement recommandez à vostre
23bonne grace, nous prierons le Createur,
24noble, magnifficque, puissant, très honnoré seigneur, singulier et
25grand amy, qu’il vous ayt en sa saincte, très digne garde. De Berne,
26ce 3e de febvrier 1573.
27Advoyer et conseil de
28la ville de Berne